ٽنڊوآدم(ن م)ٽنڊوآدم تعلقي جي ڳوٺ ملا مکڻ جي رھواسڻ ڇھين ڪلاس جي شاگردياڻي 13 سالا بسما مصطفيٰ سولنگي سائنس جي دنيا جي وڏي اداري ناسا پاران ڏنل پروجيڪٽ تحت ڊرائيونگ دوران ننڊ اچڻ تي سجاڳ ڪندڙ چشمو تيار ڪرڻ تي کيس (ناسا(آمريڪا گھرائي ورتو جنھن بعد ھوء پنھنجي ٽيم سان گڏ ڇنڇر واري ڏينھن ڪراچي کان آمريڪا رواني ٿي وئي آھي واضع رھي ته ٽنڊوآدم واسي نينگري بسما جو والد غلام مصطفيٰ سولنگي ڪراچي پوليس ۾ اي ايس آءِ آھي جيڪو ڪجھ سال اڳ ۾ ٽنڊوآدم کان ڪراچي شفٽ ٿي ويو آھي سندس نياڻي ڪراچي جي اسڪول ايور گرين ۾ تعليم حاصل ڪري رھي آھي.
